物件，為地方故事做信物。
人變、景亦變，物件總會留守，為後來的人展示家園的情感軌跡。
有冇人認得呢個係咩？ 點樣玩嘅呢？踢毽其實係唔少人嘅兒時玩意，足毽又有冇勾起你嘅童年回憶呢?
不論係波子汽水、波子棋定波子（保時捷）都一樣咁受大眾歡迎。後者就繼續發下夢先，但相信好多人童年都一定有玩過波子棋。
紙盒波子棋 long time no see
不論係波子汽水、波子棋定波子（保時捷）都一樣咁受大眾歡迎。後者就繼續發下夢先，但相信好多人童年都一定有玩過波子棋。
圓碌碌，清透顏色嘅波子就係小編細個鍾意波子棋嘅原因。以前同朋友玩波子棋，揀到想要嘅波子顏色仲開心過贏到個遊戲。除左波子顏色吸引，遊戲本身都好簡單、冇咩規矩，可以6個人一起玩，最啱一班放小息唔想用腦，但又想同friend hea 下嘅我地玩。
可惜時代不同，呢家小朋友咁細個就識上網打機，有幾何對波子棋呢啲懷舊遊戲感興趣。好彩，小編就喺位於馬鞍山錦泰商場嘅安泰文具搵到幾盒，老闆安哥仲話原先廠家已停止出產，但見仲有需求，先再次出產。
醉翁之意不在酒。雖然係APP STORE都可以下載波子棋等遊戲，但無得親手攞住粒波子，感受每一次跳過人地波子，每次放落啱啱好fit到波子嘅棋盤上個種滿足感，又邊算真正玩過波子棋啊。
安泰文具玩具公司
地址︰馬鞍山錦泰商場地下5號舖
真 · 雞毛掃
「揸住雞毛當利箭」，相信大家都一定聽過呢句俗語咖啦。歷史我就唔多講啦，仲之就係有個商朝國王睇緊鬥雞個陣，突然傳來叛軍即將打到黎既消息，在驚慌之中，隨手攞起個群鬥雞中嘅一條雞毛，交俾當時嘅將軍，要佢攞住條雞毛就當令牌去指揮軍隊。
用雞毛代替令牌，一個咁聰明嘅國王下場係咁我唔多講啦，你自己上網search啦。
但係同商朝國王手中條雞毛一樣重要嘅就係阿媽手中個支雞毛掃。作為阿媽打仔十大武器之一，相信係大部分阿媽嘅必需品。就好似呢支係民坊旗下葵盛東商場嘅溢利五金家品店搵到嘅雞毛掃一樣，雞毛有光澤，打掃又得，打仔亦得！最特別係咩？就係佢係用真雞毛做咖！呢家好多雞毛掃都會以其他動物嘅毛或仿毛做成，咁傳統嘅真。雞毛掃真係買少見少！
（P.S.：各位可能因為童年被阿媽打得多而對雞毛掃有恐懼嘅朋友，其實你阿媽用雞毛掃打你絕對係愛的表演！以前嘅父母都會用藤條或雞毛掃打仔，一嚟方便，二嚟傷皮唔傷骨，等你痛下、驚下，但一定唔會打到你返唔到學。所以大家唔好再誤會你屋企個支雞毛掃啦！）
溢利五金家品店
地址︰葵盛東街市
「揸住雞毛當令箭」，相信大家都一定聽過呢句俗語咖啦。歷史我就唔多講啦，仲之就係有個商朝國王睇緊鬥雞個陣，突然傳來叛軍即將打到黎既消息，在驚慌之中，隨手攞起個群鬥雞中嘅一條雞毛，交俾當時嘅將軍，要佢攞住條雞毛就當令牌去指揮軍隊。