「你平時玩開咩運動咖？」

「我踢毽咖!」

「吓，踢毽都算運動咩？」

梗係算啦！踢毽於唐、宋代史書中已經有記載，由中國民間遊戲「蹴踘」演變出嚟。以為踢毽只係細路仔嘅悠閒活動？其實早在十年前已經有團體舉辦「世界足毽錦標賽」，參賽者遍佈世界各地；上兩年的錦標賽都分別在德國與法國舉行。

踢毽的優點在於包容性高，無論男女老幼，有冇做開運動人嘅皆能掌握。起初場地亦無規限，只要有3至4米空間，已經可共聚砌磋。對於唔適合做劇烈運動嘅人，踢毽呢類較輕鬆嘅全身運動就最適合不過；除咗可以帶動血液循環，透過大腦、眼、腳的靈活配合，更有助訓練大腦思維。