街角風景,是人情的容器。
情入景,一幅幅幸福快樂的影像,在同一個地方、
感染不同的時代、凝聚不同的人。

特別鳴謝:梁瑋鑫(被喻為「公屋達人」攝影師)

好多人會懷念上世紀嘅馬騮架,氹氹轉同鐵皮滑梯。但過去終於過去,呢一代小朋友,一樣有佢哋快樂嘅遊樂場回憶。其實,童年好簡單,有地方、有朋友就咩都玩得一餐。

啟業商場。球場 香港人有紅館,啟業人有呢個籃球場。上蓋加鐵籠包裹計設,成為香港少有嘅半室內街場。呢度鬥波為主,但場外活動仲精彩:耍太極、吹水、踩單車、放空、拍拖、親子⋯⋯全個啟業村最多腳毛嘅地方,一定係呢度。

順天商場。冬菇亭 以前無咁多米芝蓮,出街食飯嘅機會亦唔多,過時過節生日喜慶,一定喺冬菇亭炒幾味。咕嚕肉、椒鹽鮮魷、白切雞、粟米魚肚羹加「人頭靚仔」,你話好多地方都食到?順天老友就知道,嗰種街坊情味,第二度炒唔出嘅⋯⋯

Close Menu